上司情緒勒索 辭職同事搞破壞 重要文件周圍攝 網民：其實已手下留情
上司常情緒勒索 辭職即被當仇人
網民分享最近經歷：上司一向不喜歡同事辭職，「只要同事一遞信，就當對方仇人咁看待」，曾經有舊同事表示辭職「想休息吓」，就被上司要求「拍硬檔幫手做多陣」，數個月後舊同事要同上司決裂，才可以正式離職。
阿頭拖吓拖吓，足足拖咗3個月，最終嗰個同事同佢反晒面先走到。『想休息吓、想抖吓』似乎都係危險嘅（辭職）答案。
其他辭職原因如要轉工，上司都會「問長問短」，問齊新公司名字、人工、福利等，「問到篤」！而今次網民的同事就以「移民」為由請辭，上司照樣不滿意，公開訓示辭職同事，「仲要去英國？清醒吓啦！完全唔明白你呢脫人點諗！」，又向辭職同事施壓「啲嘢你跟開，唔好諗住丟畀其他人接手」，不可以早早handover！
重要文件全失 上司急改機票回港補鑊
網民上司不時在眾人面前「情緒勒索」，指工作旺季已經十分忙碌，埋怨有人辭職。同時又加重辭職同事工作量，自己又在工作旺季去旅行，其他同事都看在眼內。
怎料辭職同事突然「人間蒸發」，留下一個爛攤子！原先辭職同事正處理學生畢業證書事宜，本來已送到公司的證書，用硬圓筒入好，現在變成只得圓筒，入面的證書就消失不見。
外國學校已經寄咗成疊證書嚟，有晒校長簽名同印⋯⋯圓筒喺佢枱面，裡面一張證書都冇。
當時身在外地旅行的上司得知證書全失，即時大發雷霆，叫同事「周圍搵吓」，更改機票回港，消失的證書被辭職同事「周圍攝」，但眾人「反轉成個office都搵唔齊」！更要麻煩外國學校重新再寄多次，除了被學校指不專業，更被畢業生投訴。
反轉成個office都搵唔齊啲證書，最後驚動埋老細⋯⋯鬧唔到辭職同事，直接向阿頭發炮」
其他網民：辭職同事原地放地圖炮！
網民在網上分享以上事件，吸引不少人撐辭職同事，雖然不論上司或其他同事都要幫手收拾爛攤子，但都指出是上司處理辭職的手法幼稚，又情緒勒索，直言「算係輕手」！
- 「員工換來換去好正常啫，有幾多香港人一世只做一份工？」
- 「都未delete/搬走哂d file soft copies」
- 「呢啲阿頭真係⋯⋯所以凡事唔好去到太盡」
- 「如果個阿頭唔搞事，人哋唔會玩嘢啦」
- 「做到想辭職休息吓有咩錯？」
- 「唔係個阿頭吓吓搞屎棍，都唔會被迫做到咁嘅地步」
- 「冇唔見啲証書噃，都喺辦公室，成日俾人單單打打，一時亂咁放啫，搵吓啦」
也有網民指上司太輕率，不應該把重要的工作交給已辭職的同事負責。
- 「辭咗職，重俾啲咁重要佢做係蠢！嗰一個月係要佢交曬啲嘢出嚟，唔係做嘢」
- 「上司完全唔識做人，人哋都辭職，應該好嚟好去，呢個世界好細，山水有相逢」
- 「其實佢已經手下留情⋯多數人只會講員工辭職玩野唔成熟，幾時聽過有人話老闆亂炒人玩野方法唔成熟？咪就係雙重標準囉！」
在職場上識得人情世故比有工作能力更重要，畢竟上司或下屬都係打工仔，當然都想返工開心，同事之間打好關係，多一個好幫手齊齊做，總好過四處結怨！
